Аднаполыя шлюбы абмеркавалі ў Наваполацку

У пятніцу 18 сакавіка ў горадзе Наваполацку Віцебскай вобласці адбылося ток-шоў на тэму "Інстытут шлюбу". Госці і ўдзельнікі абмеркавалі розныя формы сумеснага жыцця -- афіцыйны шлюб, сужыхарства, шлюбныя кантракты і аднаполыя шлюбы. Удзельнікі паспрабавалі зразумець ісціну, што робіць чалавека шчаслівым і для чаго патрэбны сям'я і шлюб. Прадстаўляць пазіцыю аднаполых пар з Мінска прыехаў кіраўнік праваабарончага праекта "ГейБеларусь" Сяргей Андросенка і ягоны партнёр Сяргей Курчэўскі. Арганізатарам мерапрыемства выступіла ініцыятыва Саюз маладых інтэлектуалаў Віцебшчыны.