საბუნებისმეტყველო მეცნიერებებისა და მედიცინის ფაკულტეტის სამაგისტრო პროგრამები - განათლების გამოფენა

???? IEFG განათლების საერთაშორისო გამოფენა-ის ფარგლებში 28 მაისს, 10:00 საათზე, ილიას სახელმწიფო უნივერსიტეტის საბუნებისმეტყველო მეცნიერებებისა და მედიცინის ფაკულტეტმა, გამართა საინფორმაციო შეხვედრა ფაკულტეტის სამაგისტრო საფეხურის პროგრამებთან დაკავშირებით. ⏺ შეხვედრაზე საბუნებისმეტყველო მეცნიერებებისა და მედიცინის ფაკულტეტის პროფესორებმა და ადმინისტრაციის წარმომადგენლებმა მომავალ სტუდენტებს გააცნეს ინფორმაცია მიღების პროცედურებზე, სწავლების მეთოდოლოგიაზე, ფაკულტეტის რესურსებსა და სერვისებზე. ⏺ შეხვედრაზე ისაუბრეს ბიოფარმაციის, გამოყენებითი გენეტიკის, ბუნების დაცვისა და მეტყევეობის, დედამიწის შემსწავლელი მეცნიერებების, ეკოლოგიის, მოლეკულური ბიომეცნიერებების, ნეირომეცნიერებების, საკვები პროდუქტების მეცნიერებისა და ფიზიკისა და ასტრონომიის სამაგისტრო პროგრამების შესახებ. პროგრამები წარადგინეს: ▶ დავით თარხნიშვილი, საბუნებისმეტყველო მეცნიერებებისა და მედიცინის ფაკულტეტის დეკანი, პროფესორი ევოლუციური ბიოლოგიისა და ეკოლოგიის მიმართულებით ▶ ელენე ჟურავლიოვა, საბუნებისმეტყველო მეცნიერებებისა და მედიცინის ფაკულტეტის ხარისხის მართვის სამსახურის უფროსი; ასოცირებული პროფესორი ბიოქიმიის მიმართულებით; ▶ გია ჯაფარიძე, პროფესორი ფიზიკის (კონდენსირებულ გარემოთა ფიზიკა, ნანოფიზიკა) მიმართულებით; ▶ არჩილ მაღალაშვილი, პროფესორი გეოლოგიის მიმართულებით